lunes, 12 de abril de 2010

Juizo de Xurxo, este venres em Madrid




O militante independentista galego Jurjo Rodrigues Olveira será julgado em Madrid na próxima sexta-feira com petiçom de 18 meses de cárcere


Os tribunais de excepçom do Estado fixárom data para o juízo de Jurjo Rodrigues Olveira, o independentista galego detido em Salcedo no passado 14 de Janeiro. Recordamos que Olveira fora detido junto a Óscar Sanches, resultando acusado por dous delitos de “tença de explosivos” e “tentativa de estragos terroristas” em relaçom a um suposto ataque frustrado a umha estaçom eléctrica. O processo judicial celebrará-se na próxima sexta-feira 16 de Avril no Julgado Central de Menores, dependente do citado tribunal.

A petiçom fiscal por ambos ‘delitos’ atribuidos ao militante que se encontra no Centro de Menores Los Rosales é de 18 meses de prisom e 3 anos de liberdade vigilada. Segundo a notificaçom que acaba de receber a defesa legal do patriota galego, o processo iniciará-se às 11:30 h. da manhá no Julgado Central sito no nº 52 da Gran Vía madrilena.

Campanha anti-repressiva

A celebraçom dum novo processo político contra independentistas galeg@s nos tribunais de excepçom será contestada em todo o País por dezenas de voluntári@s e militantes do organismo popular anti-repressivo. Assim, em diversas cidades, já começava nesta fim-de-semana passada umha campanha informativa e de denúncia do juízo político a celebrar da próxima sexta-feira. Aliás, celebrarám-se assembleias abertas nos principais núcleos urbanos para desenvolver esta resposta a 120 horas da celebraçom do juízo político.

Daremos conta através do nosso portal das iniciativas e propostas de intervençom que se desenvolvam nos próximos dias. Apontar, por último, que a fixaçom da data do processo a umha semana escassa da celebraçom provocou o imediato deslocamento para a capital espanhola dos advogados do patriota preso para artelhar a estratégia de defesa. Notificaremos em breve a alternativa de mobilizaçom a Madrid que prepara o organismo popular antir-repressivo.

LIBERDADE PATRIOTAS GALEGOS!
DEFENDER A TERRA NOM É DELITO!
'AUDIENCIA NACIONAL', TRIBUNAL DA REPRESSOM